ನಿಮಗೂ ಹೀಗೆ ಆಗಿರ ಬಹುದಲ್ಲ

ಅವಳ ನೋಡುವ ಮೂದಲು
ನಾನು ಹೀಗಿರಲಿಲ್ಲ
ಒರಟನು ನಾನೆಂದು
ಹೇಳುತಿದ್ದರು ಎಲ್ಲ
ತುದಿ ಮೂಗಿನಲಿ ಕೋಪ
ಕೆಂಡದುಂಡೆಯ ರೂಪ
ಯಾವಾಗಲು ನನ್ನ ಸಿಡಿಮಿಡಿಯ ತಾಪ
ಯಾರೊಡನೆ ಬೆರೆತಿಲ್ಲ
ಮಾತಿಲ್ಲ ಕತೆಯಿಲ್ಲ
ನನ್ನ ಸುತ್ತಲೂ ನಾನು
ಕೋಟೆ ಕಟ್ಟಿದ್ದೆ
ಒಂಟಿತನದೊಂದಿಗೆ ಹೊಂದಿಕೊಂಡಿದ್ದೆ
ಅವಳ ನೋಡಿದ ಮೇಲೆ
ಅಹಂಭಾವ ಬಿಟ್ಟಿದೆ
ಪ್ರೀತಿಯನು ಕಂಡಿದ್ದೆ
ಶಾಂತಿ ಚಿತ್ತದಿಂದಿರಲು
ಪ್ರಯಾಸ ಪಟ್ಟಿದೆ
ಜನರೊಡನೆ ಬೇರೆತ್ತಿದ್ದೆ
ಒಂಟಿತನದ ಕೋಟೆಯನು
ನಾನು ತೋರೆದಿದ್ದೆ
ಅವಳೇ ನನ್ನ ಬದುಕೆಂದು
ನಾನು ತಿಳಿದಿದ್ದೆ ಕರೆದಿದ್ದೆ
ಅವಳನ್ನು ಮನದ ಮನೆಗೆ
ನೀಡಿದ್ದೆ ಜಾಗವನ್ನು ಹೃದಯದಾ ಒಳಗೆ
ಪ್ರೀತಿಯ ಮಾತಿನಿಂದ
ಸ್ನೇಹದಾ ನಡೆಯಿಂದ
ಗೆಲ್ಲ ಬಯಸಿದ್ದೆ
ನಾನು ಅವಳ ಮನಸ
ಹಾಡಿದ್ದೆ ಕುಣಿದಿದ್ದೆ
ಅವಳಿಗಾಗಿ ನಕ್ಕಿದ್ದೆ
ಅವಳು
ನನ್ನ ಬಿಟ್ಟು ಹೊರಟಾಗ
ನಾ ಮೊದಲ ಭಾರಿ ಅತ್ತಿದ್ದೆ
ಅವಳ ನೋಡುವ ಮೊದಲು
ನಾನು ಹೀಗಿರಲಿಲ್ಲ

ಮೈಲುಗಲ್ಲುಗಳು

ತಿರುತಿರುಗಿ ಬುವಿಯಲ್ಲಿ
ಮರೆಯಲ್ಲಿ ಮರುಗಿ
ಸಿಗಲ್ಲಿಲ್ಲ ಯಾರಿಗೂ
ಪ್ರೀತಿಯಾ ಬುರುಗಿ
ಕಥೆ ಹೇಳುವರು ಎಲ್ಲ
ಪ್ರೀತಿಯೆಂದರೆ ಬೆಲ್ಲ
ಪೂರ್ವ ಜನ್ಮದ ಪುಣ್ಯ
ಇಲ್ಲದೆ ಸಿಗದಲ್ಲ
ನಿಜ ಜೀವನದಿ ಇದು
ಯಾವುದೂ ನಿಜವಲ್ಲ
ಬದುಕೊಂದು ವ್ಯಾಪಾರ
ತಿಳಿದವನು ಬಲ್ಲ
ಕೊಟ್ಟು ಕೊಂಬ್ಧುದೆ ಎಲ್ಲ
ಕೊಡದೆಯೇ ಪಡೆದಿಲ್ಲ
ಜೀವನದ ಹಾದಿಯಲ್ಲಿ
ಮೈಳುಗಲ್ಲುಯ್ಗಲೇ ಎಲ್ಲ