ನನ್ನ ನೆನಪಿನಿಂದಲೇ ನಾನು ಅವಳ
ಮರೆಯಲೆಂದು ಹೊರಟಿಹೆನು
ಯಾರ ನೆನಪನು ಮರೆಯಹೊರಟು
ನನ್ನ ನಾನೇ ಮರೆತೆನೋ
ಅವಳ ನೆನಪ ಹೇಗೆ ಮರೆಯಲಿ
ಅವಳ ಮಾತು ನಗುವ ಪರಿಯ
ಎಲ್ಲರಲ್ಲೂ ಹುಡುಕುವೆ
ಕಣ್ಣಿಗೆ ಕಾಣದ ದೇವನಲ್ಲೂ
ಅವಳ ಕುರಿತೇ ಕೇಳುವೆ ನಾ
ಅವಳಿಗಾಗೆ ಬೇಡುವೆ
ಅವಳ ಪ್ರೀತಿಯ ಮರೆತೆನೆನ್ನುವೆ
ಮನದಲಿನ್ನು ಮರೆಯದೆ
ಅವಳ ಕಾಣದೆ ವರುಷವಾಯಿತು
ಎಂಬುದಿನ್ನೂ ನೆನಪಿದೆ
ಎನ್ನ ಜನುಮ ದಿನವ ಮರೆತರೂ
ಅವಳದಿನ್ನೂ ನೆನಪಿದೆ
ಅವಳ ನೋಡಿದ ಮೊದಲದಿನದ
ಪ್ರತಿಕ್ಷಣದ ಅರಿವೂ ಎನಗಿರೆ
ಹೇಗೆ ಮರೆಯಲಿ ಅವಳನು
ಏನ ಹೇಳಲಿ ಮನಸಿಗೆ
ಅವಳ ಪ್ರೀತಿಯ ಮರೆತೆನೆನ್ನುವೆ
ಮನದಲಿನ್ನು ಮರೆಯದೆ
No comments:
Post a Comment